Vegna þess að ekki fékkst næg þátttaka urðum við að gera smávægilegar breytingar á félagsútilegunni. Aðal breytingin er sú að við ætlum í Kaldársel en ekki í Hlíðardalsskóla. Þar sem Kaldársel er í seilingarfjarlægð þá biðjum við foreldra um að aðstoða okkur við að koma krökkunum á staðinn og sækja þau síðan á sunnudag. Með þessu þá náum við að lækka kostnað útilegunnar um 1000 kr og kostar útilegan því 6.000 kr. en ekki 7.000 kr. Mæting er samt sem áður í skátaheimilið kl 19:30 á föstudegi og foreldrar sem sækja beðnir um að koma í Kaldársel kl 14:30 á sunnudegi.