Útilífsskóli Seguls

Opnað hefur verið fyrir skráningu á útilífsskólavefnum www.utilifsskoli.is

Skátafélagið Segull mun bjóða upp á útilífsnámskeið í sumar. Námskeiðin byggja á mikilli útiveru og meðal viðfangsefna eru sund, veiði, náttúruskoðun, klifur, sig, rötun, útieldun, skátaleikir og fleira. Um er að ræða tveggja vikna námskeið með helgarfríi. Í lok seinni vikunnar er einnar nætur útilega. Einnig er hægt að skrá sig á bara aðra vikuna. Fyrri vika í hverju námskeiði er án útilegu en seinni með útilegu.

Nauðsynlegt er að þátttakendur mæti klæddir eftir veðri og með nesti fyrir daginn. Þá daga sem námskeiðin eru haldin innanbæjar stendur dagskráin yfir frá kl. 9.00 til 16.00. Farið er í útileguna kl. 10.00 á fimmtudegi og komið til baka kl. 16.00 á föstudegi. Allir þátttakendur fá sendar með sér upplýsingar um tilhögun námskeiðsins og útilegunnar í upphafi námskeiðs.

Námskeiðin eru ætluð börnum á aldrinum 8 til 12 ára fædd 1998 til 2002.

Í sumar eru eftirfarandi námskeið í boði:

Námskeið 1,   14. júní - 18. júní* og 21. júní - 25. júní útilega.
Námskeið 2,   28. júní - 2. júlí og 5. júlí - 9. júlí, útilega.
Námskeið 3,  12 . júlí - 16. júlí  og  19. júlí - 23. júlí útilega.
Námskeið 4,   3. ágúst - 6. ágúst * og 9. ágúst - 13. ágúst útilega

*(Fjögura daga vika án útilegu)