Rekstur ÚSÚ fyrir árið 2012 hefur verið gerður upp. Heildarniðurstaðan er 917þús. króna rekstrarafgangur, að teknu tilliti til afskrifta og fjármagnskostnaðar. Stærstan þátt í jákvæðri rekstarniðurstöðu á Landsmótið sem dró að mun fleiri gesti en á „venjulegu“ sumri. Fyrir liggur að gera þarf verulegar endurbætur á húsnæði, Nesjaskála og Norðursal til þess að þeir nýtist rekstrinum sem best. Áfram verður því mikil þörf á aðstoð sjálfboðaliða. Meira af því bráðlega. Ársskýrsla með ársreikningi 2012 er í lokavinnslu og verður sett á vefinn þegar vinnslu hennar lýkur.
Af starfsmannamálum:
Bergur Kr. Guðnason, bónda á Stóra-Hálsi í Grafningi hefur verið ráðinn í starf umsjónarmanns eigna og opinna svæða. Bergur er menntaður búfræðingur og húsasmiður, 39 ára að aldri. Hann á bakland í björgunarsveitunum, var í Kyndli á Kirkjubæjarklaustri og Kili á Kjalarnesi og í stjórnum þeirra. Í starf dagskrárstjóra var ráðin Jónína Ósk Ingólfsdóttir, grunnskólakennari á Selfossi. Jónína er 34 ára og var í Hraunbúum. Hún hefur unnið mikið með unglingum og komið að ýmiskonar félagsmálum, sat til dæmis í stjórn Sundfélags Hafnarfjarðar.
Um leið og þau eru boðin velkomin er þeim Jakobi og Örvari þökkuð störf fyrir ÚSÚ á liðnum árum.
