Í dag fórum við svo aftur í klifurturninn, margir sem spreyttu sig og gerðu betur en seinast. Eftir hádegi var svo tími þar sem krakkarnir fengu að æfa sig fyrir Úllavisjón, sem er einskonar hæfileika/júróvisjónkeppni. Krakkarnir syngja, dansa eða leika undir þekktum lögum og keppast um að vinna sér inn stjörnu í flokka keppninni.
Söluleikurinn var svo eftir kaffitíma og mikið fjör að hlaupa um að selja, skipta og kaupa vörur til þess að safna sér inn sem flestum peningum. Auðvitað þurftu krakkarnir að passa sig á illmenninu og ruplaranum sem var á stjá tilbúinn að stökkva til þeirra og stela af þeim peningum...
Í kvöld verður svo Úllavisjón haldið og svo verður haldið á kvöldvöku með krökkunum úr leikjanámskeiðunum úr bænum sem eru í útilegu hér á Úlfjótsvatni, það verður vonandi kraftmikil og skemmtileg kvöldvaka!

Allir hlakka til að fara í vatnasafarí á morgun og koma svo heim til að hitta mömmu og pabba. Kveðjum í bili frá sumarbúðunum á Úlfjótsvatni!