SAMAN er samstarfsmót dróttskáta og björgunarsveita sem haldið er í september eða október ár hvert til skiptis á Gufuskálum og í Þórsmörk.

Tilgangur mótsins:
Skapa samstarfsvettvang fyrir björgunarsveitir, dróttskátasveitir, og ungliðasveitir björgunarsveita. Skapa dróttskátum og björgunarsveitarfólki eigið mót þar sem dróttskátar koma saman ásamt björgunarsveitarfólki, kynnast innbyrðis og eiga saman ánægjulega helgi við leik og störf við þeirra hæfi.

Mótið fellur niður auglýsta daga. Biðjumst velvirðingar á því. Vonandi verður engum mein af þessu. Mótsstjórn vonast til að halda mótið síðar en óljóst er með efndir í þeim efnum þessa daganna.

SAMAN 2007.
Dagsetning: 21-23. september 2007. Aflýst.
Þátttakendur: 16-18 ára, skátar og ungliðasveitir björgunarsveita.
Kostnaður: Mótsgjald er 7.500,- kr. Greiða þarf staðfestingargjald (2.000,- kr.) fyrir 17. september. Innifalið í mótsgjaldi eru samgöngur, gisting, dagskrá og einkenni. Athugið að enginn matur er innifalinn í mótsgjaldinu.

Vinsamlegast leggið inn á:
Rnr: 1185-26-640
Kt: 440169-2879 
Upphæð: Samtal 7.500,- kr. Staðfestingargjaldið 2.000,- kr. þarf að greiða fyrir 14. september.
Kvittun: Sendist á adalsteinn(hjá)skatar.is

Athugið: Aðsókn hefur ávallt verið mikil á SAMAN. Ef að biðlisti myndast verður leitað eftir greiðslum og eftir það verða ógreidd mótsgjöld túlkuð sem afskráning á SAMAN 2007.

Skráningarfrestur: Til 17. september. Skráning fer fram hér.
Útbúnaður: Listi kemur síðar.

Brottför: Föstudaginn 21. september kl. 17.45 frá Kópaheimilinu (vinsamlegast mætið stundvíslega).
Heimkoma: Sunnudaginn 23. september (mótinu er slitið kl. 15.00 og brottför skömmu síðar úr Þórsmörk, gerið ekki ráð fyrir að ná sundstöðum opnum en bíó kemur til greina).

Sveitir sem taka þátt eiga ekki að koma foringjalausar. Mótsstjórn SAMAN er fyllilega meðvituð um það að í sumum tilvikum eru einstaklingar þeir einu úr sínu félagi sem eru að mæta. Í þeim tilvikum biður mótstjórn viðkomandi að koma sér í samband við vini sína úr öðrum félögum og setja sig undir handleiðslu sveitarforingja þeirrar sveitar.

Athugið, enginn matur er innifalinn í mótsgjöldum en mótsstjórn mun setja upp grill-aðstöðu fyrir alla. Þannig að það er ekkert því til fyrirstöðu að skella einum pakka af lambi á grillið á laugardagskvöldinu.

Frekari upplýsingar koma hér von bráðar.